Սննդամթերքի անվտանգության տեսչական մարմնի կողմից «Արաքս-2» արտադրական կոոպերատիվին պատկանող կաթնամթերքի արտադրամասում (Գեղարքունիքի մարզ, ք. Վարդենիս) իրականացված ստուգման արդյունքում պարզվել է, որ արտադրվել է սննդամթերքի անվտանգության ոլորտի իրավական ակտերով սահմանված անվտանգության և սննդամթերքի հիգիենային ներկայացվող պահանջների անհամապատասխանությամբ վտանգավոր սննդամթերք։
Փորձաքննության ներկայացված «Թթվասեր», Պանիր «Լոռի» և Պանիր «Կաչոտա» արտադրատեսակների նմուշները՝ «աղիքային ցուպիկի խմբի մանրէներ» (ԱՑԽՄ) ցուցանիշով չեն համապատասխանել «Կաթի և կաթնամթերքի անվտանգության մասին» Մաքսային միության տեխնիկական կանոնակարգի պահանջներին:
Տեսչական մարմնի ղեկավարի որոշմամբ՝ կաթնամթերքի արտադրամասի արտադրական գործունեության առանձին գործառույթը՝ «Թթվասեր», Պանիր «Լոռի» և Պանիր «Կաչոտա» արտադրատեսակների արտադրությունը, կասեցվել է:
Սահմանվել է վերջնաժամկետ արձանագրված խախտումները վերացնելու համար: