Վարչապետ Նիկոլ Փաշինյանը բրիֆինգին ասել է, որ սահմանազատման գործընթացի հետ կապված բոլոր իրավական պրոցեսներն ամփոփված են, և դրանք Հայաստանի ու Ադրբեջանի համար ունեն պարտադիր իրավական ուժ։
«Հիմա պետք է կենտրոնանանք ԹՐԻՓՓ ճանապարհի իրագործման վրա։ Այսինքն՝ խաղաղության ինստիտուցիոնալացման տարբերակներից մեկն այն է, որ երկաթուղու, ավտոճանապարհի և էլեկտրոհաղորդման գծերի իրագործումն արդեն խաղաղություն է», – ասել է նա։
«Պատկերացրեք՝ Ադրբեջանի տարածքով ենք գնում-գալիս, իրենք՝ մեր։ Դա խաղաղություն է։ Իհարկե, շարունակելու ենք աշխատանքները խաղաղության համաձայնագրի ստորագրման և վավերացման, ինչպես նաև մյուս հարցերի ուղղությամբ։ Չենք մոռացել անազատության մեջ գտնվող հայրենակիցների հետ կապված խնդիրները», – շեշտել է վարչապետը։