Կոնգոյի Դեմոկրատական Հանրապետությունում (ԿԴՀ) Էբոլա վիրուսային տենդից հաստատված մահերի թիվը հասել է 115-ի։ Ներկայում վարակի հաստատված դեպքերի ընդհանուր թիվը կազմում է 598։ Մեկ օր առաջ այդ ցուցանիշները համապատասխանաբար եղել են 101 մահ և 550 վարակված։
Բուժհաստատություններում գտնվում է 297 հիվանդ։ Մահացության մակարդակը կազմում է 19,2%։ Հիվանդությունը տարածվել է Իտուրի, Հյուսիսային Կիվու և Հարավային Կիվու նահանգների 25 շրջաններում։ Վերջին 24 ժամում նոր դեպքեր չեն արձանագրվել ներկայիս բռնկման տարածքներից դուրս։
Իշխանությունները շարունակում են հետևել այն անձանց, ովքեր վերջին շաբաթներին շփում են ունեցել վարակակիրների հետ. կապերի հետագծման մակարդակը կազմում է 56,3%։