Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ Նյու Ջերսի նահանգում բնակելի շենքի աղբամանի հորն ընկած կինը փրկվել է, հաղորդում է Past.am-ը՝ հղում անելով՝ People պարբերականին։
Հունիսի 7-ին 911 ծառայությունում ահազանգ է ստացվել մի կնոջ մասին, որը ընկել էր 14-հարկանի շենքի աղբահանության հորանը։ Դեպքի վայր են ժամանել հրշեջ ծառայության աշխատակիցներ, ոստիկաններ և շտապօգնության բրիգադներ։
Ժամանելուն պես փրկարարները պարզել են, որ տուժածը հայտնվել է մոտ 10-րդ հարկի մակարդակից ընկնելու հետևանքով և մնացել է 3-րդ և 4-րդ հարկերի միջև գտնվող աղբի և բեկորների կույտում։
Փրկարարները հատուկ գործիքներով կտրել են խողովակների և կառուցվածքային վահանակների հատվածները՝ բեկորները հեռացնելու համար։ Ի վերջո, նրանց հաջողվել է կնոջը անվտանգ դուրս բերել՝ ոտքերով առաջ դիրքով։ Փրկարարական գործողությունը տևել է շուրջ 28 րոպե։
Շտապօգնության աշխատակիցները նրան ցուցաբերել են անհետաձգելի բուժօգնություն, իսկ դեպքի ընթացքում մեկ հրշեջ ստացել է ձեռքի վնասվածք և հոսպիտալացվել է։
Դեռևս պարզ չէ, թե ինչպես է կինը հայտնվել աղբահորում։
Հետևեք մեզ՝ այստեղ