Միացյալ Թագավորության Եվրոպայի, Հյուսիսային Ամերիկայի և անդրծովյան տարածքների հարցերով պետնախարար Սթիվեն Դաութին շնորհավորել է Նիկոլ Փաշինյանին ընտրություններում տարած հաղթանակի կապակցությամբ։
X-ի իր միկրոբլոգում բրիտանացի պաշտոնյան նշել է, որ Միացյալ Թագավորությունն անհամբերությամբ սպասում է Հայաստանի նոր, ժողովրդավարական ճանապարհով ընտրված կառավարության հետ աշխատանքին:
Ըստ նրա՝ համագործակցությունը միտված է լինելու երկկողմ ռազմավարական գործընկերության կյանքի կոչմանը, տարածաշրջանային կայունության ամրապնդմանը և Եվրոպայի գործընկերների հետ ավելի սերտ հարաբերությունների զարգացմանը։