«Երևանի հետ կապված՝ շատ մեծ աշխատանք է արված բակային հատվածներում, դա շատ լավ է», – ասել է վարչապետ Նիկոլ Փաշինյանը գործադիր մարմնի անդամների հետ քննարկման ժամանակ։
Նիկոլ Փաշինյանը կարևորել է, որ մետրոյի «Աջափնյակ» կայարանի շինարարությունն ի վերջո սկսվի․ «Ի հեճուկս տպավորությունների՝ այդտեղ ոչ մի հետաձգում չկա», -շեշտել է նա։
«Երևանի քաղաքապետարանի գործընկերներն առաջարկում են, որ սկսենք տեխնիկական հսկողի ներգրավման մրցույթից․ հաջորդիվ գնանք առաջ», -ասել է նա։