Պակիստանի և Լիբանանի բանակների ղեկավարներ Ասիմ Մունիրն ու Ռոդոլֆ Հայքալը Ռավալպինդիում կայացած հանդիպման ժամանակ պայմանավորվել են ընդլայնել երկկողմ ռազմական համագործակցությունը։ Կողմերը քննարկել են տարածաշրջանային անվտանգության և պաշտպանական փոխգործակցության հարցեր։
Աղբյուրների փոխանցմամբ՝ Լիբանանի զինված ուժերի գլխավոր հրամանատարի այս այցը կապված է Մերձավոր Արևելքում պատերազմի դադարեցմանն ուղղված առավել լայն խաղաղ բանակցությունների հետ։ Այս գործընթացում Պակիստանը հանդես է գալիս որպես առանցքային միջնորդ ԱՄՆ-ի և Իրանի միջև, իսկ Թեհրանը պնդում է Լիբանանին ներառել ցանկացած խաղաղության համաձայնագրում։