Չինաստանի և ԿԺԴՀ-ի (Հյուսիսային Կորեա) հարաբերությունները գտնվում են նոր պատմական մեկնարկային կետում։ Այս մասին հայտարարել է Չինաստանի ղեկավար Սի Ծինփինը՝ Փհենյանում իր պատվին Կիմ Չեն Ընի կազմակերպած պաշտոնական ընդունելության ժամանակ։
Սին նշել է, որ երկու երկրները կապված են ընդհանուր լեռներով ու գետերով, և նրանց ճակատագրերն անխզելիորեն միահյուսված են։ Նրա խոսքով՝ Պեկինի և Փհենյանի միջև ավանդական բարեկամությունը, անցնելով փոփոխական միջազգային իրադրության փորձությունների միջով, փոխանցվում է սերնդեսերունդ և տարիների ընթացքում միայն ավելի է ամրապնդվում։