Եվրոպական հանձնաժողովի ընդլայնման հարցերով հանձնակատար Մարտա Կոսը հայտարարել է Հայաստան իր այցի մասին՝ հնարավորինս շուտ այն բանից հետո, երբ վարչապետ Նիկոլ Փաշինյանի կուսակցությունը հաղթանակ տարավ երկրի խորհրդարանական ընտրություններում:
Պաշտոնյան այս մասին գրել է X-ում:
Կոսը շնորհավորել է Փաշինյանին հունիսի 7-ին կայացած խորհրդարանական ընտրություններում իր «Քաղաքացիական պայմանագիր» կուսակցության հաղթանակի կապակցությամբ: Եվրոպական հանձնակատարը նշել է, որ քվեարկության արդյունքը հաստատում է հայ ժողովրդի ընտրությունը՝ չնայած Մոսկվայի ճնշմանը:
«Ռուսաստանի կողմից իրականացվող զանգվածային ճնշման և միջամտության ֆոնին այս հաղթանակը ևս մեկ անգամ հաստատում է հայերի ընտրությունը՝ ունենալ ուժեղ, ինքնիշխան և անկախ Հայաստան»,- գրել է Կոսը։
Նա հայտարարել է ԵՄ-Հայաստան աշխատանքային խմբի ստեղծման մասին։
«Ես հնարավորինս շուտ կգամ Հայաստան: Եվրոպայի համերաշխությունը Հայաստանի հետ մնում է անսասան։ Այսօր մենք նաև կսկսենք աշխատանքները ԵՄ-Հայաստան նոր աշխատանքային խմբում՝ մեր գործընկերությունը խորացնելու համար», – գրել է եվրահանձնակատարը։