Լոնդոնում այսօր նախատեսված է Ուկրաինայի նախագահ Վլադիմիր Զելենսկու հանդիպումը Բրիտանիայի վարչապետ Քիր Սթարմերի, Ֆրանսիայի նախագահ Էմանուել Մակրոնի և Գերմանիայի Քրիստոնեա-դեմոկրատական միության առաջնորդ Ֆրիդրիխ Մերցի հետ:
Ինչպես հաղորդում է dpa գործակալությունը, կողմերը քննարկելու են Կիևին ցուցաբերվող հետագա աջակցությունն ու պատերազմի արդյունավետ հանգուցալուծման հնարավոր ուղիները:
Այս հանդիպման առանցքային թեմաներից մեկը դառնալու է Եվրոպայի նախապատրաստումը Մոսկվայի հետ հավանական բանակցություններին: Եվրոպական մայրաքաղաքներում վստահ են, որ Ռուսաստանը չի կարողանա անվերջ խուսափել երկխոսությունից, ուստի անհրաժեշտ են համարում նախապես համաձայնեցնել սեփական միասնական դիրքորոշումը:
Այս զարգացումները տեղի են ունենում այն ֆոնին, երբ Ռուսաստանի նախագահ Վլադիմիր Պուտինը նախկինում հրաժարվել էր Զելենսկու հետ ուղիղ բանակցություններից, իսկ ԱՄՆ նախագահ Դոնալդ Թրամփը փաստացի հեռացել է միջնորդական ակտիվ դերից՝ հայտարարելով, որ կողմերը պետք է հարցերը կարգավորեն ինքնուրույն: Ստեղծված իրավիճակում եվրոպական առաջնորդները փորձում են նախաձեռնությունն իրենց ձեռքը վերցնել: