Մերձավոր Արևելքում էսկալացիան շարունակվում է։ Անցած օրվա ընթացքում ԱՄՆ-ն հրթիռային հարված է հասցրել իրանական Քեշմ կղզուն, իսկ Իրանի իշխանությունները հայտնել են Օրմուզի նեղուցում իրանական լցանավի վնասման մասին։
Ի պատասխան սրա՝ Իրանը գրոհել է Բահրեյնում գտնվող ԱՄՆ ՌԾՈւ 5-րդ նավատորմի շտաբը և Քուվեյթի օդանավակայանը, որի տարածքում տեղակայված է ամերիկյան «Ալ-Մուբարաք» ռազմաբազան։
Զինվորականների շրջանում կորուստների մասին չի հաղորդվում, սակայն օդանավակայանում զոհվել է մեկ աշխատակից, ինչպես նաև լրջորեն վնասվել է ենթակառուցվածքը։ Դրա պատասխանով՝ հունիսի 1-ին վերսկսված կոմերցիոն չվերթները կրկին դադարեցվել են։