Իրանական Mehr գործակալությունը, հղում անելով ԱՄՆ-ի հետ բանակցային գործընթացին ծանոթ աղբյուրին, հայտնել է, որ Վաշինգտոնի հետ հնարավոր համաձայնագրի նախագիծը դեռևս քննարկման փուլում է Թեհրանում։ Բանակցությունների միջնորդին՝ Պակիստանին, առայժմ պատասխան չի ուղարկվել։
Հաղորդագրության մեջ նշվում է, որ նախորդ բանակցային գործընթացների ընթացքում ԱՄՆ-ի կողմից տրված խոստումների չկատարումը ստիպել է Իրանին գործել շատ ավելի զգուշավոր կերպով։
Նյութում ընդգծվում է, որ նախկին փորձը հաշվի առնելով՝ Թեհրանը կենտրոնացած է այն բանի վրա, որպեսզի հնարավոր համաձայնագրից ստանա հստակ և գործնական շահեր։