Անհայտ կորած անձանց հարազատները տեղեկացրել են, որ հիմնել են Անհայտ կորած անձանց հարազատների համահայկական ասոցիացիա, հայտնել է Մարդու իրավունքների պաշտպանի գրասենյակը։
ՄԻՊ-ի տարածած հաղորդագրության մեջ նշվում է, որ ՄԻՊ Անահիտ Մանասյանը հանդիպել է անհայտ կորած անձանց հարազատների հետ, հանդիպմանը մասնակցել են նաև քաղաքացիական հասարակության ու միջազգային կազմակերպությունների ներկայացուցիչներ։
ՄԻՊ-ը նշել է, որ անհայտ կորած անձանց հարազատների մտահոգությունների պատշաճ հասցեագրման ու նրանց իրավունքների արդյունավետ պաշտպանության ուղղությամբ իրականացվում են աշխատանքներ՝ ինչպես ներպետական, այնպես էլ միջազգային մեխանիզմների շրջանակում։
