Այս պահին Դոնալդ Թրամփը ուղևորվում է Սպիտակ տան իրավիճակային սենյակ՝ Իրանի հետ հնարավոր համաձայնագրի վերաբերյալ վերջնական որոշում կայացնելու համար։
Truth Social-ում հրապարակած գրառման մեջ Թրամփը նշել է, որ Իրանը պետք է համաձայնի երբեք միջուկային զենք չունենալու պայմանին, իսկ Հորմուզի նեղուցը պետք է անհապաղ բացվի միջազգային նավագնացության համար՝ առանց մաքսատուրքերի։
Նա նաև հայտարարել է, որ նեղուցում առկա բոլոր ծովային ականները պետք է ոչնչացվեն, իսկ այնտեղ արգելափակված նավերին պետք է հնարավորություն տրվի վերադառնալ իրենց երկրներ։
Թրամփի խոսքով՝ Իրանի խորը ստորգետնյա տարածքում պահվող հարստացված նյութերը կհեռացվեն Միացյալ Նահանգների կողմից՝ Իրանի և Միջազգային ատոմային էներգիայի գործակալության հետ սերտ համագործակցությամբ, ապա կոչնչացվեն։
«Իրանը պետք է համաձայնի, որ երբեք միջուկային զենք չի ունենա։ Հորմուզի նեղուցը պետք է անհապաղ բացվի՝ երկու ուղղություններով ազատ նավագնացության համար»,- գրել է նա։
Թրամփը հավելել է, որ որոշ այլ հարցերի շուրջ արդեն համաձայնություններ են ձեռք բերվել, սակայն ֆինանսական միջոցներ չեն տրամադրվի մինչև վերջնական պայմանավորվածությունը։