Քաղաքագետ, ԱԺ նախկին պատգամավոր Միքայել Զոլյանը «Ֆեյսբուքի» իր էջում գրել է.
«Բոլորս տեսանք զորահանդեսը, չէ՞։
Հիմա ընթերցենք հարգարժան պրն Ս․ Սարգսյանի հայտարարությունն այդ զորահանդեսի առիթով․
«․․․ Սա անբարո քաղաքական հնարք է առաջիկա ընտրություններից առաջ քողարկելու պատերազմի աղետալի հետևանքները, բանակի ներկայիս անմխիթար վիճակը, մոռացության տալու դրա համար պատասխանատվությունը և պետական միջոցների հաշվին ինքնագովազդի տեսարաններ ապահովելու։ Այս ամենի ֆոնին անիմաստ է անգամ խոսել այդ շոուի բովանդակության մասին»։
Եվ այդ մարդը 10 տարի եղել է մեր երկրի ղեկավարը, դրանից առաջ՝ Ռոբերտ Քոչարյանի օրոք, 10 տարի եղել է մեր երկրի երկրորդ մարդը , դրանից առաջ էլ եղել է պաշտպանության նախարար և ազգային անվտանգության նախարար՝ Լևոն Տեր-Պետրոսյանի օրոք։
Ինձ միայն մի բան է զարմացնում այս ամենի մեջ․ որ մենք որպես երկիր լրիվ չենք ոչնչացել հարգարժան պրն Սարգսյանի և նրա նույնքան հարգարժան գործընկերների կառավարման արդյունքում»։