«Առանց Ֆիլտրի» հաղորդման հյուրն է ՀՀ վարչապետի աշխատակազմի ղեկավար, «Քաղաքացիական պայմանագիր» կուսակցության նախընտրական շտաբի պետ Արայիկ Հարությունյանը։ Նա խոսել է մասնագիտության ընտրությունից, դասախոսական տարիներից և քաղաքական ակտիվ շրջանից։
Արայիկ Հարությունյանը պատմել է, թե ինչպես է սկսել իր քաղաքական առաջին քայլերը և Փաշինյանի ու Միքայելյանի հետ հիմնադրել կուսակցությունը, անդրադարձել է ԿԳՄՍ նախարարությունում դժվարություններին, թիրախավորումներին և իրականացրած ռեֆորմներին։ Նա խոսել է նաև Ծանրամարտի ֆեդերացիայի նախագահ դառնալու որոշման մասին և կառույցում իրականացվող աշխատանքներին։
ՀՀ վարչապետի աշխատակազմի ղեկավարը նշել է ներքաղաքական զարգացումների և առաջիկա խորհրդարանական ընտրությունների դերը, բացահայտել՝ ընդդիմության բնույթն ու իրական ակնկալիքները։