«Ուժեղ Հայաստան» կուսակցության 1-ին համար Նարեկ Կարապետյանը ներկայացրել է Սամվել Կարապետյանի առաջարկը՝ Էջմիածինը առանձնացնել որպես հատուկ քաղաք և կազմակերպել որպես 2-րդ Վատիկան։
«Սամվել Կարապետյանի առաջարկն է՝ Էջմիածինը առանձնացնել որպես հատուկ քաղաք, դառնա կրոնական կենտրոն։ Հետո կազմակերպել որպես 2-րդ Վատիկան»,- ասել է Նարեկ Կարապետյանը։
Հ.Գ. Վատիկանը, ըստ էության, պետություն է պետության մեջ։ Ստեղծվել է 1929թ. Լաթերանի պայմանագրով՝ որպես կոմպրոմիսային լուծում ավելի քան 60-ամյա քաղաքական սուր պայքարի։ Պապերը ուղիղ մասնակցում էին իտալական քաղաքական պայքարին, ինչը պառակտում էր Իտալիան և կասեցնում երկրի միավորումը։ Փոխզիջման արդյունքում՝ Իտալիան թույլ տվեց Հռոմի պապին ունենալ անկախություն, իսկ վերջինս պահպանելու էր չեզոքություն միջազգային հարաբերություններում։