Հայաստանը ներկայացնող Շահեն Մարտիրոսյանը (68 կգ) հռչակվել է մինչև 15 տարեկանների ազատ ոճի ըմբշամարտի Եվրոպայի չեմպիոն, հայտնում է Հայաստանի ըմբշամարտի ֆեդերացիան։
Բուլղարիայի Սամոկով քաղաքում անցկացված մրցաշարի եզրափակչում հայ ըմբիշը 40 վայրկյանում 10։0 հաշվով հաղթել է թուրք Սարուխան Քարաօղլուին։
Եզրափակիչ դուրս գալու ճանապարհին Մարտիրոսյանը նաև 12։1 հաշվով հաղթել է վրացի, 10։4 հաշվով՝ ռուս, 8։2 հաշվով՝ մոլդովացի և 10։0 հաշվով՝ բուլղարացի մարզիկներին։
