Ուկրաինական բանակը մտադիր է հրաժարվել «հյուծման պատերազմից» և անցնել այլ մարտավարության: Այս մասին իր Telegram ալիքում հայտարարել է Ուկրաինայի զինված ուժերի գլխավոր հրամանատար Ալեքսանդր Սիրսկին։
«Սահմանափակ ռեսուրսներով, զգալիորեն ավելի մեծ թվով թշնամուն արդյունավետորեն հակազդելու համար, մենք փորձում ենք «հյուծման պատերազմից» անցնել ասիմետրիկ ռազմավարության», – գրել է նա։
Նրա խոսքով՝ Ուկրաինայի զինված ուժերի հիմնական խնդիրներն են՝ կասեցնել ռուսական զորքերի առաջխաղացումը և արդյունավետ հակագրոհը, կորուստներ հասցնել ռուսական բանակի թիկունքին, այդ թվում՝ իրենց տարածքի խորքում, և պաշտպանել Ուկրաինայի օդային տարածքը:
Նախկինում Ուկրաինայի նախագահ Վլադիմիր Զելենսկին հայտարարել էր, որ Ռուսաստանը Բելառուսի տարածքից հարձակման հինգ սցենար ունի: Նա հանձնարարել է Արտաքին գործերի նախարարությանը և հետախուզական ծառայություններին միջոցներ ձեռնարկել Մինսկի վրա ազդելու համար: Զելենսկին հավելել է, որ երկիրը պատրաստվում է մարտական գործողությունների ցանկացած զարգացման և կավելացնի զորքերի թիվը Չեռնիգով-Կիև ուղղությամբ: