Մերձավոր Արևելքում և Պարսից ծոցի տարածաշրջանում իրավիճակը գտնվում է պատերազմի և խաղաղության միջև կարևորագույն խաչմերուկում, և ռազմական գործողությունները պետք է հնարավորինս շուտ դադարեցվեն։
Չինաստանի նախագահ Սի Ցզինպինը այս մասին հայտարարել է Պեկինում Ռուսաստանի նախագահ Վլադիմիր Պուտինի հետ հանդիպման ժամանակ։
«Ռազմական գործողությունների լիակատար դադարեցումը անհրաժեշտ է հնարավորինս շուտ: Պատերազմի վերսկսումն անընդունելի է», – հայտարարել է Սի Ցզինպինը։
Նա ընդգծել է բանակցություններին վերադառնալու կարևորությունը՝ նշելով, որ հակամարտության դադարեցումը կօգնի նվազեցնել համաշխարհային էներգետիկ և լոգիստիկ կայունության, ինչպես նաև համաշխարհային առևտրի համար ռիսկերը։