Իսրայելի պաշտպանության ուժերը փակ ռազմական գոտի են հայտարարել Լիբանանի սահմանի մոտ գտնվող ափամերձ տարածքը:
Այս մասին հայտարարել է Իսրայելի բանակի մամուլի ծառայությունը:
Հայտարարության համաձայն՝ ռազմական գոտին տարածվում է ափամերձ գծի երկայնքով՝ սահմանային Ռոշ Հանիկրա քաղաքից մինչև Աչզիվի ազգային պարկ։ Այս հատվածը մոտավորապես 5 կիլոմետր երկարություն ունի։
Պաշտոնական հայտարարության մեջ նշվում է, որ որոշումը կայացվել է իրավիճակի գնահատումից հետո։ Այս տարածք մուտք գործելն այժմ լիովին արգելված է։
Ավելի վաղ ԱՄՆ Պետդեպարտամենտի խոսնակ Թոմի Պիգոթը X սոցիալական ցանցում գրել է, որ Լիբանանի և Իսրայելի միջև հրադադարը կերկարաձգվի 45 օրով։