Գերմանիայի կանցլեր Ֆրիդրիխ Մերցը հայտարարել է, որ հեռախոսազրույց է ունեցել Դոնալդ Թրամփի հետ՝ վերջինիս Չինաստանից վերադառնալու ճանապարհին։
Կողմերը համակարծիք են եղել, որ Իրանը պետք է անհապաղ վերադառնա բանակցությունների սեղանի շուրջ, և որ այդ երկրին չպետք է թույլատրվի ունենալ միջուկային զենք։
Մերցն ընդգծել է, որ Իրանը պարտավոր է բացել Հորմուզի նեղուցը միջազգային նավագնացության համար։
Այս պահանջը հնչում է Իրանի արտգործնախարար Աբաս Արաղչիի հայտարարության ֆոնին, ըստ որի՝ նեղուցը բաց է միայն «բարեկամ երկրների» նավերի համար, իսկ «թշնամի» պետությունների առջև այն մնալու է փակ։