Ռուսաստանի կողմից Դոնբասի ամբողջ տարածաշրջանի գրավման ժամկետները կախված են Ռուսաստանի զինված ուժերի կոնկրետ գործողություններից: Եթե Ուկրաինայում մարտավարական միջուկային զենք կիրառելու որոշում կայացվի, Ուկրաինայի զինված ուժերը կարող են դուրս մղվել տարածաշրջանից շատ ավելի շուտ, քան 2026 թվականի աշնանը:
Այս մասին Gazeta.ru-ին ասել է ռազմական փորձագետ Յուրի Կնուտովը։
Նա մեկնաբանում էր բրիտանական «Financial Times» թերթի այն հաղորդագրությունը, որ Ռուսաստանը նախատեսում է մինչև աշուն ամբողջությամբ վերահսկել Դոնբասը։
«Շատ բան կախված է մեր ձեռնարկած քայլերից: Եթե մենք գործենք այնպես, ինչպես հիմա ենք, այսինքն՝ հանգիստ, աստիճանաբար պահպանելով ուժերն ու ռեսուրսները, դա մեկ բան է: Եթե, օրինակ, մենք կիրառենք մարտավարական միջուկային զենք, ապա կարծում եմ, որ ամեն ինչ կարող է շատ ավելի արագ ավարտվել», – ընդգծել է վերլուծաբանը։