«Կոնվեկտ» ընկերության դիմումի համաձայն, Սննդամթերքի անվտանգության տեսչական մարմնի տեսուչների մասնակցությամբ և հսկողությամբ, ոչնչացվել է ընկերության պահեստում առկա գրեթե 13 ու կես տոննա (13․389,4 կգ) ժամկետանց սննդամթերք՝ քաղցրավենիք, թխվածքաբլիթներ, չորահացեր, բրնձե չիպսեր, շոկոլադե կրեմներ և թեյեր:
Ավգուստ, Շտորկ, Լուդվիգ Շոկոլադ, Լինդտ, Հարիբո, Տրոլլի քաղցրավենիք
Օրիոն, Լուբյատովո, Բելինո թխվածքաբլիթեղենի, Պրինգլս, Ֆրայս չիպսեր
Ֆիկասոտա չորահացեր և բրնձե չիպսեր
Վիլհելմ Ռեուսս Լեբենսմիտտելվերկ շոկոլադե կրեմներ
· Վենիռո Տրեյդինգ թեյեր
Վտանգավոր սննդամթերքի ոչնչացումն իրականացվել է ձևախախտման, հորման և հորալցման եղանակով, Արագածոտնի մարզի Սասունիկ վարչական համայնքում գտնվող աղբավայրում: Ոչնչացման գործընթացի ժամանակ պահպանվել են տեղափոխման, բնապահպանական և սանիտարահիգիենիկ անվտանգության բոլոր պահանջները:
«Սննդամթերքի անվտանգության տեսչական մարմինը, առաջնային համարելով հանրային առողջությունը, շարունակում է վերահսկողական միջոցառումներ իրականացնել թե՛ ներկրվող, թե՛ տեղական արտադրության պարենային մթերքի շուկայում՝ ապահովելով սպառողի համար անվտանգ սննդամթերք»,-նշում են ՍԱՏՄ-ից։