Մոսկվան չի հասկանում, թե ինչու Հայաստանի վարչապետ Նիկոլ Փաշինյանը Երևանում չի «հավասարակշռել» Վլադիմիր Զելենսկու հակառուսական հայտարարությունները, հայտարարել է Ռուսաստանի Դաշնության նախագահի մամուլի քարտուղար Դմիտրի Պեսկովը:
«Մենք չենք հասկանում, թե ինչու են Հայաստանից հնչում հակառուսական հայտարարություններ: Այ սա մենք չենք հասկանում: Իսկ ինչո՞ւ Հայաստանի կառավարության ղեկավարը (Նիկոլ Փաշինյանը – խմբ.) չի փորձում որևէ կերպ դա հավասարակշռել իր հայտարարություններով: Այս ամենը մենք դեռևս չենք կարողանում բացատրել», – ասել է Պեսկովը «Վեստի» տեղեկատվական համակարգի հեղինակ Պավել Զարուբինին: