Ռուսաստանի տրանսպորտի նախարարությունը հայտնել է երկրի հարավային հատվածում գտնվող 13 օդանավակայանների աշխատանքի ժամանակավոր դադարեցման մասին: Սույն որոշումը կայացվել է «Ռուսաստանի հարավի աերոնավիգացիա» մասնաճյուղի վարչական շենքին անօդաչու թռչող սարքի հարվածից հետո։
Սահմանափակումները վերաբերում են Աստրախանի, Վլադիկավկազի, Վոլգոգրադի, Գելենջիկի, Գրոզնիի, Կրասնոդարի, Մախաչկալայի, Մագասի, Միներալնիե Վոդիի, Նալչիկի, Սոչիի, Ստավրոպոլի և Էլիստայի օդանավակայաններին։ Ուկրաինական կողմն առայժմ պաշտոնապես չի մեկնաբանել տեղի ունեցած գրոհը։