Արաբական Միացյալ Էմիրությունները և մի շարք գնորդներ վերջերս մի քանի լցանավ են անցկացրել Հորմուզի նեղուցով՝ անջատելով տեղորոշման սարքերը՝ իրանական հարձակումներից խուսափելու համար։
Սա փորձ է՝ շուկա դուրս բերելու այն նավթը, որը կուտակվել էր Պարսից ծոցում մերձավորարևելյան հակամարտության պատճառով,- գրում է Reuters-ը։
Այս ծավալները կազմում են ԱՄԷ-ի սովորական արտահանման (նախքան Իրանի դեմ ԱՄՆ-ի և Իսրայելի պատերազմը գրանցված) միայն մի փոքր մասը, սակայն դրանք ցույց են տալիս այն ռիսկերը, որոնք արտադրողն ու գնորդները պատրաստ են ստանձնել վաճառքն ապահովելու համար։ Ծոցի մյուս արտադրողները՝ Իրաքը, Քուվեյթը և Կատարը, կամ դադարեցրել են վաճառքը, կամ կտրուկ նվազեցրել գները՝ չհետաքրքրված գնորդներին գրավելու համար։ Իսկ Սաուդյան Արաբիան արտահանումն իրականացնում է միայն Կարմիր ծովի միջոցով։