Երևանում կայացած Եվրոպական քաղաքական համայնքի (ԵՔՀ) գագաթնաժողովը նվիրված էր Հայաստանի իշխանությունների պաշտպանությանը և կարող է խարխլել տարածաշրջանային բալանսը, հայտարարել է «Ուժեղ Հայաստան» դաշինքի վարչապետի թեկնածու Սամվել Կարապետյանը:
Նա նշել է, որ հայերը միշտ հյուրասեր ժողովուրդ են եղել, և Հայաստանը նախկինում հյուրընկալել է խոշոր միջազգային կազմակերպությունների և օտարերկրյա առաջնորդների: «Բայց ինձ անհանգստացնում է, որ այս համաժողովը նվիրված է փոքրիկ խմբակին, որն ընդամենը մեկ ամսվա կյանք ունի իշխանավարելու մեր բարեկամ երկրներից պաշտպանելու համար: Նախընտրական մեկ նկար ստանալու համար ես անհանգստություն ունեմ, որ խարխլվելու է տարածաշրջանային բալանսը և մեր ժողովուրդը կարող է դրա համար վճարել», – ասել է Կարապետյանը:
Նա նաև մտահոգություն է հայտնել, որ սա կարող է «բացել 300,000 ադրբեջանցիների մուտքը Հայաստան»:
Գյումրի դաշինքի այցից հետո «Ուժեղ Հայաստան»-ի առաջնորդը ընդգծել է, որ հայ ժողովուրդը հիմնականում մտահոգված է անվտանգությամբ և բարեկեցությամբ: «Ինձ անհանգստացնում է երկրի աղքատության մակարդակը և դրանք հաղթահարելու ճանապարհները, որոնք մենք ցույց ենք տվել», – ասել է նա:
ԵՀՔ գագաթնաժողովը տեղի էր ունեցել մայիսի 4-ին Երևանում: Մասնակցելու համար Հայաստան էին ժամանել ԵՄ ղեկավարությունը և ԵՀՔ անդամ պետությունների ներկայացուցիչները, ՆԱՏՕ-ի գլխավոր քարտուղար Մարկ Ռյուտեն, Ուկրաինայի նախագահ Վլադիմիր Զելենսկին և Թուրքիայի փոխնախագահ Ջևդեթ Յըլմազը։
