Անցած ժամվա լուրերը՝ հակիրճ և բովանդակային.
· Հայաստանը և Միացյալ Թագավորությունը ստորագրել են ռազմավարական գործընկերության մասին համատեղ հռչակագիր։
· Նիկոլ Փաշինյանը և ՆԱՏՕ-ի գլխավոր քարտուղարը քննարկել են տարածաշրջանային անվտանգությունն ու համագործակցության հեռանկարները։
· Հայաստանի և Խորվաթիայի միջև ստորագրվել է ռազմավարական երկխոսության մասին համատեղ հռչակագիր։
· Ուրսուլա ֆոն դեր Լայենը հայտարարել է, որ ԵՄ-ն աջակցում է Հայաստանին՝ իբրև խաղաղության ու բարգավաճման օրինակ։
· Քիր Սթարմերը բարձր է գնահատել Հայաստանի հյուրընկալությունը և կարևորել միասնական պայքարը գլոբալ մարտահրավերների դեմ։
· Էմանուել Մակրոնը կոչ է արել Հորմուզի նեղուցի հարցը կարգավորել ԱՄՆ-ի և Իրանի միջև համաձայնությամբ։
· Ընդդիմադիրները բողոքի ակցիայով եվրոպացի առաջնորդներից պահանջել են անդրադառնալ քաղբանտարկյալների և արցախցիների իրավունքների հարցերին։
· Բելառուսի ընդդիմության առաջնորդը գագաթնաժողովին ներկայացրել է իր երկրի եվրոպական ձգտումները։
· ԱՄԷ-ն դատապարտել է Հորմուզի նեղուցում պետական նավթային տանկերի վրա Իրանի իրականացրած ԱԹՍ հարձակումը։