ԱՄՆ նախագահ Դոնալդ Թրամփը հայտարարել է, որ երկուշաբթի առավոտից (Մերձավոր Արևելքի ժամանակով) Վաշինգտոնը կսկսի ուղեկցել Հորմուզի նեղուցում խրված նավերը և «անվտանգ կերպով հեռացնել դրանք այդ սահմանափակված ջրերից, որպեսզի նրանք կարողանան ազատորեն և արդյունավետորեն շարունակել իրենց գործողությունները»։
Գործողությունը կկոչվի «Ազատություն նախագիծ»։
TruthSocial սոցիալական մեդիա հարթակում արված գրառման մեջ ԱՄՆ նախագահը նշել է, որ «աշխարհի տարբեր երկրներ» դիմել են ԱՄՆ-ին՝ «օգնելու ազատել Հորմուզի նեղուցում խրված իրենց նավերը»։
Միևնույն ժամանակ, իրանցի բարձրաստիճան պաշտոնյան սոցիալական մեդիայում հայտարարել է, որ Թեհրանը Հորմուզի նեղուցում միջամտելու ԱՄՆ-ի ցանկացած փորձ կդիտարկի որպես հրադադարի խախտում։
«Հորմուզի նեղուցի նոր ծովային ռեժիմին ամերիկյան ցանկացած միջամտություն կհամարվի հրադադարի խախտում», — սոցիալական ցանցերում գրել է Իրանի խորհրդարանի ազգային անվտանգության կոմիտեի ղեկավար Էբրահիմ Ազիզին։
Իրանական իշխանությունները դեռևս ուղղակիորեն չեն մեկնաբանել Թրամփի հայտարարությունը: