Պակիստանի փոխվարչապետ և արտաքին գործերի նախարար Իսհակ Դարը հեռախոսազրույց է ունեցել Իրանի արտգործնախարար Սեյեդ Աբբաս Արաղչիի հետ՝ քննարկելով տարածաշրջանային իրավիճակը և խաղաղության հաստատմանն ուղղված դիվանագիտական ջանքերը։ Իրանի արտաքին գերատեսչության ղեկավարն իր երախտագիտությունն է հայտնել Պակիստանին՝ կողմերի միջև իրականացվող անկեղծ միջնորդական առաքելության և կառուցողական դերակատարման համար։
Զրույցի ընթացքում Իսհակ Դարը վերահաստատել է Իսլամաբադի հանձնառությունը շարունակելու ակտիվ ներգրավվածությունը տարածաշրջանային գործընթացներում՝ ընդգծելով, որ երկխոսությունն ու դիվանագիտությունը միակ կենսունակ ուղին են առկա խնդիրների խաղաղ լուծման և տևական կայունության հասնելու համար թե՛ տարածաշրջանում, թե՛ դրա սահմաններից դուրս։