ԱՄՆ նախագահ Դոնալդ Թրամփը 25% մաքսատուրք կսահմանի Եվրոպական Միությունից ներմուծվող մեքենաների և բեռնատարների վրա։
Թրամփը մեղադրել է Եվրամիությանն առևտրային համաձայնագիրը խախտելու մեջ և խոստացել հաջորդ շաբաթվանից սկսած՝ որպես պատիժ, ԵՄ-ից ԱՄՆ ներմուծվող մեքենաների և բեռնատարների վրա ավելի բարձր ներմուծման մաքսատուրքեր սահմանել։
«Ուրախ եմ հայտարարել, որ Եվրամիության կողմից մեր լիարժեք բանակցված առևտրային համաձայնագրի պայմանները չկատարելու պատճառով հաջորդ շաբաթ ես կբարձրացնեմ Եվրամիության կողմից Միացյալ Նահանգներ ներմուծվող մեքենաների և բեռնատարների վրա սահմանված մաքսատուրքերը։ Մաքսատուրքը կբարձրացվի մինչև 25%»,- գրել է նա։
Թրամփը նաև հավելել է, որ Միացյալ Նահանգներում շուտով կբացվեն «բազմաթիվ» ավտոգործարաններ, որոնց կառուցման մեջ ներդրվել է 100 միլիարդ դոլար։ ԱՄՆ նախագահը նաև ակնարկել է, որ եթե դրանք արտադրվեն ԱՄՆ-ում, մաքսատուրքեր չեն լինի։