Ադրբեջանի Միլլի Մեջլիսը հայտարարել է Եվրոպական խորհրդարանի հետ հարաբերությունները կասեցնելու մասին։
Որոշման համաձայն՝ կողմերի միջև համագործակցությունը բոլոր ուղղություններով կասեցվում է։ Բացի այդ, նախատեսվում է սկսել գործընթաց՝ Միլլի Մեջլիսի անդամակցությունը «Եվրանեսթ» խորհրդարանական վեհաժողովում դադարեցնելու համար։
Պաշտոնական հաղորդագրության մեջ նշվում է, որ այս քայլը վերաբերում է ԵՄ կառույցների հետ հարաբերությունների վերանայման ընթացքին։
Հիշեցնենք, որ Ադրբեջանի արտաքին գործերի նախարարություն է կանչվել Եվրոպական միության դեսպան Մարիանա Կույունչիչը։
Հանդիպման ընթացքում ադրբեջանական կողմը խստորեն քննադատել է Եվրոպական խորհրդարանի՝ ապրիլի 30-ին ընդունած բանաձևը՝ այն անվանելով անհիմն և կողմնակալ։
Դեսպանին հանձնվել է նաև բողոքի նոտա։