Պատժամիջոցներ են սահմանվում Վիկտոր և Դմիտրի Լուկաշենկոների նկատմամբ։
Սահմանափակումներ են մտցվել նաև հանրապետության զինված ուժերի գլխավոր շտաբի պետ Պավել Մուրավեյկոյի նկատմամբ։
Ուկրաինական պատժամիջոցների ցուցակում ընդհանուր առմամբ Բելառուսի 16 քաղաքացի կա։ Նրանց նկատմամբ Զելենսկին կիրառել է 16 տեսակի ստանդարտ սահմանափակող միջոց, այդ թվում՝ ակտիվների սառեցում, տնտեսական և ֆինանսական պարտավորությունների դադարեցում, պաշտոնական այցերի չեղարկում, առևտրային գործառնությունների դադարեցում, ինչպես նաև Ուկրաինայի պետական պարգևներից անժամկետ զրկում։
Բացի այդ՝ պատժամիջոցների ցուցակում է հայտնվել 11 իրավաբանական անձ։ Դրանց թվում են Մինսկի «Տերմոպլաստ» գործարանը, Մինսկի թիվ 407 քաղաքացիական ավիացիայի գործարանը, Վիտեբսկի էլեկտրոչափիչ սարքերի գործարանը և Բորիսովի պլաստմասսե իրերի գործարանը։
Նրանց դեմ նախատեսված է 16 տեսակի սահմանափակում 10 տարի ժամկետով։