Պենտագոնը հայտնել է, որ Իրանի հետ երկամսյա պատերազմում ծախսվել է 25 միլիարդ դոլար, գրում է «Իզվեստիան»:
ԱՄՆ նախագահ Դոնալդ Թրամփը շուտով կքննարկի հակամարտությունը շարունակելու մի քանի ռազմական տարբերակ, այդ թվում՝ հիպերձայնային հրթիռների առաջին կիրառումը, հայտնում է կայքը: Էսկալացիայի վախի ֆոնին նավթի գները շարունակել են կտրուկ աճել:
Պաշտպանության նախարար Փիթ Հեգսեթն օրենսդիրներին ասել է, որ ծախսն արդարացված է, հաշվի առնելով ԱՄՆ նպատակը՝ ապահովել, որ Իրանը չձեռք բերի միջուկային զենք:
Նշվում է, որ Թրամփը լրջորեն քննարկում է խոշոր ռազմական գործողությունների վերսկսման հնարավորությունը՝ բանակցություններում փակուղուց դուրս գալու փորձ կատարելու կամ պատերազմի ավարտից առաջ վճռական հարված հասցնելու համար։
Իրավիճակին ծանոթ աղբյուրների համաձայն՝ ԱՄՆ կենտրոնական հրամանատարությունը պատրաստել է Իրանի դեմ «կարճ և հզոր» հարվածների ծրագիր, որը, հավանաբար, կուղղվի ենթակառուցվածքներին՝ բանակցություններում փակուղուց դուրս գալու հույսով։ Հույս կա, որ Իրանը կվերադառնա բանակցությունների սեղանին՝ ցուցադրելով ավելի մեծ ճկունություն միջուկային հարցում։
Մեկ այլ ծրագիր, որը, ինչպես սպասվում է, կներկայացվի Թրամփին, նպատակ ունի գրավել Հորմուզի նեղուցի մի մասը՝ առևտրային նավագնացությունը վերաբացնելու նպատակով։ Նման գործողությունը կարող է ներառել ցամաքային ուժերի օգտագործում։ Մեկ այլ տարբերակ, որը նախկինում քննարկվել և հնարավոր է՝ բարձրացվել է ճեպազրույցի ժամանակ, հատուկ նշանակության ուժերի գործողությունն է՝ Իրանի բարձր հարստացված ուրանի պաշարներն ապահովելու համար։
Պատերազմը դադարեցնելու հստակ ուղի դեռևս չկա, գրում է կայքը: ԱՄՆ-ն շարունակում է շրջափակել իրանական նավահանգիստները, իսկ Հորմուզի նեղուցը մնում է փակ՝ բարձրացնելով նավթի գները: ԱՄՆ-Իրան բանակցությունների ձախողումը, զուգորդված այն հաղորդագրությունների հետ, որ Թրամփը, ըստ երևույթին, մերժել է Իրանի առաջարկը՝ վերաբացել Հորմուզի նեղուցը, ստիպում են շուկային կորցնել նավթի մատակարարումների արագ վերսկսման հույսը:
Ավելի վաղ Իրանի նախագահ Մասուդ Փեզեշքիանը հայտարարել էր, որ ԱՄՆ-ի կողմից ծովային շրջափակումը սպառնալիք է ամբողջ աշխարհի համար և դատապարտված է ձախողման։
