Տեխասի Միներալ Ուելս քաղաքում ուժեղ տորնադոն լուրջ ավերածություններ է առաջացրել՝ դառնալով արդեն վեց օր շարունակվող վտանգավոր փոթորիկների շարքի մի մասը, որոնք ազդել են ԱՄՆ Միջին Արևմուտքի և հարավային շրջանների վրա։ Տորնադոն քանդելով բնակելի և արդյունաբերական հատվածների մի մասը։ Վնասվել են շենքեր, այդ թվում՝ երկու խոշոր արտադրական ընկերությունների օբյեկտներ։
Վնասի ամբողջ ծավալը դեռ գնահատվում է։ Վնասվածքներով հիվանդանոց է տեղափոխվել մի քանի մարդ, սակայն մահվան դեպքեր չեն գրանցվել։ Եղանակային ծառայությունների նախնական գնահատմամբ՝ տորնադոն եղել է ուժեղ՝ մինչև 145 մղոն/ժամ քամու արագությամբ։ Նույն փոթորկային համակարգը այլ շրջաններում բերել է նաև խոշոր կարկուտներ, որոնք վնասել են մեքենաներ և էլեկտրական ենթակառուցվածքներ։
Բացի Տեխասից, ծանր եղանակը ազդել է նաև Միսսուրիի և Օկլահոմայի վրա՝ առաջացնելով նոր տորնադոներ, կարկուտի ուժեղ տեղումներ և ենթակառուցվածքների վնասներ։ Որոշ վայրերում տապալվել են էլեկտրասյուներ և շենքեր, իսկ հազարավոր մարդիկ մնացել են առանց հոսանքի։