ՀՀ արտաքին գործերի նախարարությունից հաստատեցին, որ Հայաստան է ժամանել Ադրբեջանի պատվիրակությունը՝ փոխվարչապետ Շահին Մուստաֆաևի գլխավորությամբ։ Այս մասին հայտնել են ԱԳՆ-ից՝ առանց մանրամասնելու, թե ինչ նպատակով է Ադրբեջանի պատվիրակությունը գտնվում Հայաստանում։
Նա այլ մանրամասներ չհայտնեց՝ նշելով, որ կտրվի լրացուցիչ մամուլի հաղորդագրություն:
Հիշեցնենք՝ ավելի վաղ գրել էինք, որ ադրբեջանական ինքնաթիռ է այսօր վայրէջք կատարել Երևանի «Զվարթնոց» օդանավակայանում։ Քաղավիացիայից հայտնել էին, որ պաշտոնական պատվիրակություն է Ադրբեջանից ժամանել ՀՀ։ Ադրբեջանական լրատվամիջոցներն էլ հայտնել էին, որ փոխվարչապետ Շահին Մուստաֆաևի գլխավորած ադրբեջանական պատվիրակությունը գտնվում է Հայաստանում, նաև տեղեկացնելով, որ ադրբեջանական պատվիրակությանը տեղափոխող ինքնաթիռը վայրէջք է կատարել Երևանի օդանավակայանում։
Շահին Մուստաֆաևը Ադրբեջանի և Հայաստանի միջև պետական սահմանի սահմանազատման պետական հանձնաժողովի նախագահն է։