Նախօրեին երկու ամսով կալանավորվել է հետախույզ Արթուր Ավանեսյանը՝ Կանդազը, ով ղեկավարում է Սամվել Կարապետյանի կուսակցության անվտանգության հարցերով թիմը։ Ըստ պաշտոնական տեղեկատվության՝ նա արցախահայերին ընտրակաշառքի խոստումներ տալու մեջ է մեղադրվում։
Արցախցիների շրջանում շրջանառվող լուրերի համաձայն՝ «կամանդիրին» մատնել են հենց արցախահայերը։ Այս մասին հայտնում է «Իրավունք» թերթը:
Դրա պատճառն այն է, որ Կարապետյանին միանալուց հետո վերջինս սկսել է հեռավորություն պահել նրանց հետ, մինչդեռ ոմանց հետ ունեցել է առանձնահատուկ մտերիմ հարաբերություններ։ Այս հանգամանքը դուր չի եկել բազմաթիվ արցախահայ հայրենակիցների։