Թուրքիայի Տրապիզոն քաղաքում անցկացվող բռնցքամարտի մրցաշարն ավարտվել է թուրք բռնցքամարտիկ Էմիրհան Կալկանի և ռուս Սերգեյ Գորոխովի միջև տիտղոսի համար մենամարտից հետո տեղի ունեցած զանգվածային կռվով։
24-ամյա Կալկանը մրցում էր 36-ամյա Գորոխովի դեմ։ Նրանք պայքարում էին UBO-ի թափուր կիսածանրքաշային տիտղոսի համար։
Մենամարտը արագ ավարտվեց երկրորդ ռաունդում. Գորոխովը երկու անգամ նոկդաունի ենթարկեց Կալկանին և հաղթեց մենամարտը։
Մարտից հետո Գորոխովը մոտեցավ մրցակցի անկյունին՝ շնորհակալություն հայտնելու մենամարտի համար, բայց Կալկանի մարզիչը նրան հրեց։ Գորոխովի մարզիչը հարձակվեց նրա վրա, ինչը հանգեցրեց զանգվածային կռվի. 70-80 մարդ աթոռներով նետվեց ռինգ։ Գորոխովի կողմից միայն նրա մարզիչն ու անկյունայինն էին։
«Տեղացիներին դուր չեկավ, թե որքան էինք տոնում, ուստի 70 մարդ հարձակվեց մեզ վրա։ Նրանք հարվածեցին, հարվածեցին աթոռներով», – մեկնաբանել է Գորոխովը։
Զանգվածային կռվի պատճառով հաղթող չի հայտարարվել։
Այս կռվի արդյունքում Գորոխովի թիմի անդամները ծանր վնասվածքներ են ստացել ու տեղափոխվել են հիվանդանոց։