Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին ապրիլի 26-ին «Գերնիկա» մրցանակ է շնորհվել, տեղեկանում ենք Իսպանիայում ՀՀ դեսպանությունից։
«Գերնիկա» խաղաղության և հաշտեցման ամենամյա մրցանակաբաշխությունը տեղի է ունեցել Իսպանիայի Գերնիկա-Լումո քաղաքում։ Հայաստանի ու Ադրբեջանի ղեկավարներին այս մրցանակը շնորհվել է երկու երկրների միջև խաղաղության հաստատման ուղղությամբ գործադրած ջանքերի համար։
Փաշինյանի մրցանակն ստացել է Իսպանիայում ՀՀ դեսպան Սոս Ավետիսյանը։
Երևանի և Բաքվի միջև խաղաղության համաձայնագրի շուրջ բանակցությունների ֆոնին փետրվարին Փաշինյանն ու Ալիևը ստացել էին «Զայեդ» մարդկային եղբայրության մրցանակը։
