Ռուսաստանի նախագահ Վլադիմիր Պուտինը հայտարարել է, որ Լիբերալ-դեմոկրատական կուսակցության հիմնադիր Վլադիմիր Ժիրինովսկու բոլոր «կանխատեսումները» հիմնված էին նրա` թեմայի իմացության վրա, որի մասին նա խոսում էր։
Ըստ Ռուսաստանի առաջնորդի՝ Ժիրինովսկու` ապագայի վերաբերյալ բազմաթիվ կանխատեսումներ այժմ իրականանում են։
«Առաջին հայացքից սա զարմանալի է։ Կարծում եմ՝ այստեղ ոչ մի անսովոր բան չկա, քանի որ նրա բոլոր կանխատեսումները հիմնված էին նրա` թեմայի իմացության վրա, որի մասին նա խոսում էր», – «Վեստի» լրատվական գործակալությանը ասել է Պուտինը «Վլադիմիր Ժիրինովսկի» վավերագրական ֆիլմում։
Պուտինը նշել է, որ Ժիրինովսկին լավ կրթված մարդ էր և գիտեր, թե ինչպես հստակ արտահայտել իր մտքերը։