Սլովակիայի էկոնոմիկայի նախարարը հայտարարել է, որ Ուկրաինան սկսել է «Дружба» նավթամուղի վերագործարկման գործընթացը։ Ըստ «Укртранснафта» ընկերությունից ստացված տեղեկատվության՝ այսօր առավոտվանից ուկրաինական կողմում սկսվել է ճնշման բարձրացման և Բելառուսից եկող խողովակաշարի լցման փուլը։
Նավթի տեղափոխումն ու կանոնավոր մատակարարումները դեպի Սլովակիա լիարժեք կվերսկսվեն վաղը՝ ապրիլի 23-ի առավոտյան։
Այս զարգացումը կարևոր նշանակություն ունի տարածաշրջանի էներգետիկ անվտանգության համար, քանի որ «Дружба» նավթամուղը հանդիսանում է կենտրոնական Եվրոպայի երկրների սնուցման հիմնական զարկերակներից մեկը։