Երկու իսրայելցի զինվոր 30 օրով կալանավորվել են և կհեռացվեն մարտական հերթապահությունից՝ Հարավային Լիբանանում Հիսուս Քրիստոսի արձանը ոչնչացնելու համար: Այս մասին ասված է ՑԱԽԱԼ-ի X-ի էջում հրապարակված հայտարարության մեջ:
Հաղորդագրության մեջ նշվում է, որ ևս վեց զինվոր, ովքեր ներկա են եղել դեպքի վայրում և որևէ քայլ չեն ձեռնարկել միջադեպը կանխելու կամ այդ մասին հայտնելու համար, կանչվել են բացատրական զրույցների:
«Հետաքննության ընթացքում պարզվել է, որ զինվորների պահվածքը լիովին հակասել է ՑԱԽԱԼ-ի հրամաններին և արժեքներին», – ասված է զինվորականների հայտարարության մեջ:
Նշում է, որ Լիբանանում գործողություններն ուղղված են բացառապես «Հեզբոլլահ» ահաբեկչական կազմակերպության և այլ ահաբեկչական խմբավորումների դեմ, այլ ոչ թե լիբանանցի քաղաքացիական անձանց:
Իսրայելցի զինվորականները հայտարարել են, որ Դեբլում վնասված քանդակը փոխարինվել է զորքերի կողմից՝ տեղի համայնքի հետ լիակատար համագործակցությամբ, և կիսվել են նոր արձանի լուսանկարով:
Հիշեցնենք, որ Իսրայելի վարչապետ Բենիամին Նեթանյահուն երկուշաբթի հայտարարել էր, որ ինքը ցնցված և տխրած է՝ իմանալով, որ ՑԱԽԱԼ-ի զինվորը վնասել է կաթոլիկ կրոնական սրբապատկերը Հարավային Լիբանանում, և խոստացել էր խիստ կարգապահական միջոցներ ձեռնարկել իրավախախտի նկատմամբ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: