ԱՄՆ-ն դեռևս Իրանին չի առաջարկել հրադադարի երկարաձգում։
Այս մասին մամուլի ասուլիսում հայտարարել է Սպիտակ տան մամուլի քարտուղար Քերոլայն Լիվիտը։
«Այսօր առավոտյան ես տեսա հաղորդագրություններ՝ կրկին կեղծ, որ մենք պաշտոնապես խնդրել ենք հրադադարի երկարաձգում։ Դա ճիշտ չէ», – ասել է նա։
Այնուամենայնիվ, նա ասել է, որ ԱՄՆ-ն և Իրանը շարունակում են ակտիվորեն բանակցել: Ըստ Լիվիտի, ԱՄՆ-ն կողմ է Իրանի հետ համաձայնագրի հեռանկարներին։
Երբ լրագրողը հարցրեց, թե արդյոք Իրանի հետ բանակցությունների երկրորդ փուլը տեղի կունենա Պակիստանի մայրաքաղաք Իսլամաբադում, նա պատասխանեց, որ բանակցությունները հավանաբար տեղի կունենան նույն վայրում, ինչ նախորդը: