Պակիստանի պաշտպանության ուժերի գլխավոր հրամանատար, ֆելդմարշալ Ասիմ Մունիրը և ներքին գործերի նախարար Մոհսին Նաքվին ժամանել են Իրան՝ Վաշինգտոնի և Թեհրանի միջև հակամարտությունը կարգավորելու միջնորդական ջանքերը շարունակելու համար, հայտնում է ՏԱՍՍ-ը՝ հղում անելով Պակիստանի իշխանություններին։
«Ֆելդմարշալ Ասիմ Մունիրը, բանակի գլխավոր շտաբի պետը և պաշտպանության շտաբի պետը, և ներքին գործերի նախարար Մոհսին Նաքվին, պատվիրակությամբ ժամանել են Թեհրան՝ շարունակական միջնորդական ջանքերի շրջանակներում», – ասվում է հաղորդագրության մեջ։
Ավելի վաղ Իրանի արտաքին գործերի նախարարությունը հայտնել էր, որ Իրանի ԱԳ նախարար Աբբաս Արաղչին Թեհրանի օդանավակայանում դիմավորել է պակիստանյան պատվիրակությանը։ Իրանի պետական հեռարձակողի տվյալներով՝ Մունիրը ժամանել է Մերձավոր Արևելքի երկիր՝ Վաշինգտոնից ուղերձ փոխանցելու և իրանա-ամերիկյան բանակցությունների երկրորդ փուլին նախապատրաստվելու համար։
