ԱՄՆ փոխնախագահ Ջեյ Դի Վենսը հայտարարել է, որ Վաշինգտոնն ամբողջությամբ դադարեցրել է Ուկրաինայի համար սեփական միջոցներով զենքի գնումն ու դրա տեղափոխումը հակամարտության գոտի։
Նրա խոսքով՝ Թրամփի վարչակազմը հստակ դիրքորոշում է փոխանցել եվրոպական գործընկերներին. եթե Եվրոպան ցանկանում է շարունակել զինել Ուկրաինային, ապա պետք է դա անի սեփական ֆինանսական միջոցների հաշվին։
«Մենք Եվրոպային ասացինք. եթե ուզում եք զենք գնել, կարող եք, բայց ԱՄՆ-ն այլևս այն չի գնելու կամ չի ուղարկելու Ուկրաինա»,- ասել է նա։
Վենսն ընդգծել է, որ Միացյալ Նահանգները վերջնականապես «դուրս է եկել այդ բիզնեսից», և ինքը հպարտանում է Սպիտակ տան այս որոշմամբ։