Անցած ժամվա լուրերը՝ հակիրճ և բովանդակային.
·Հանրապետության գետերում ապրիլի վերջին և մայիսին սպասվում են վարարումներ, ինչի պատճառով ափամերձ բնակավայրերին հորդորվում է պահպանել անվտանգության կանոնները:
·Դատախազությունը բողոքարկում է Գարեգին Երկրորդի նկատմամբ կիրառված բացակայելու արգելքը վերացնելու որոշումը՝ դատական ակտը չկատարելու վարույթի շրջանակներում:
·Ոստիկանությունը հետաքննում է Կոտայքի մարզի Մրգաշեն գյուղում տեղի ունեցած դանակահարության դեպքը, որի հետևանքով տղամարդ է մահացել: Հակակոռուպցիոն դատարանը մերժել է Վարդան Ղուկասյանի կալանքը փոխելու միջնորդությունը, քանի որ վկաների հարցաքննության փուլը դեռ չի ավարտվել:
·Դատախազության շենքի առջև կանայք նստացույց են սկսել՝ պահանջելով փոխել կալանավորված 18-ամյա դպրոցականի խափանման միջոցը:
·Հունգարիայի ընդդիմությունը նախաձեռնել է սահմանադրական փոփոխություն, որը թույլ չի տա նույն անձին երկու ժամկետից ավելի զբաղեցնել վարչապետի պաշտոնը:
·Իրանական նավթամթերքով բեռնված երկու լցանավ դուրս են եկել Հորմուզի նեղուցից՝ խուսափելով ԱՄՆ-ի կողմից սպասվող շրջափակումից:
·Պաղեստինյան կազմակերպությունները դատի են տվել Ավստրալիայի կառավարությանը՝ պահանջելով հրապարակել Իսրայելին զենքի վաճառքի թույլտվության հիմքերը: