Քաղաքական դիտորդ Հակոբ Բադալյանը նշել է, որ առաջիկա խորհրդարանական ընտրությունների (հունիսի 7) նկատմամբ հանրային հետաքրքրությունը ինչ որ հատուկ բարձր չէ նախորդ ընտրական ցիկլերի համեմատ, գրում է ritmeurasia.ru–ն։
Նրա խոսքով 2021 թվականին հասարակությունը շատ ավելի ակտիվ էր, ինչը պայմանավորված էր պատերազմից հետո ստեղծված իրավիճակով։ Հիմա՝ հինգ տարի անց, հանրային հետաքրքրությունը կարող է զարգանալ այլ տրամաբանությամբ։ Բադալյանը ընդգծել է, որ քաղաքացիներն այսօր ամենից շատ մտահոգված են երկրի ներքին մթնոլորտով, որը նա բնութագրել է որպես լարված և անորոշ։
«Մարդիկ զգում են այնպես, կարծես քայլում են ականապատ դաշտով», – նշել է փորձագետը։
Նա նաև նշել է, որ պետական անվտանգության և տնտեսության հարցերը փոխկապակցված են, և քաղաքական ուժերը պետք է ձևակերպեն հայ ժողովրդին հուզող առաջնահերթություններ։ Բադալյանի խոսքով՝ ընդդիմության ապակենտրոն ձևաչափը («Հայաստան» դաշինք, «Ուժեղ Հայաստան», «Գագիկ Ծառուկյան» և այլք) հնարավորություններ է ստեղծում բազմազան գաղափարների արդյունավետ առաջխաղացման համար, սակայն կառավարության նկատմամբ անվստահությունը չի կարող ավտոմատ կերպով վերածվել ընդդիմության նկատմամբ վստահության։
«Ընդդիմությունը պետք է զգալի ջանքեր գործադրի վստահություն ձեռք բերելու համար», – ասել նա հավելելով, որ ընտրություններից առաջ վճռորոշ կլինի ընդդիմության աշխատանքը։
Փորձագետը նաև նշել է, որ հասարակության մեջ բևեռացումը շարունակվում է և արդեն իսկ հյուծել է քաղաքացիներին։ Նրա կարծիքով, իշխանությունները հույսը դնում են ցածր մասնակցության վրա, մինչդեռ ընդդիմության հաջողությունը կախված կլինի չկողմնորոշված ընտրողների համար ընդունելի առաջնահերթություններ ձևակերպելու նրա կարողությունից։
Նյութը հրապարակման պատրաստեց Կամո Խաչիկյանը