Իրանի և Միացյալ Նահանգների միջև Իսլամաբադում ընթանում են ուղիղ բանակցություններ և իրականացվում են դեմառդեմ ձևաչափով, Interfax-ի փոխանցմամբ՝ այս մասին հաղորդել է CNN հեռուստաալիքը։
«Այսօրվա խաղաղ բանակցությունները ԱՄՆ-ի և Իրանի միջև ընթանում են անմիջական՝ դեմառդեմ ձևաչափով»,- տեղեկացրել է լրատվամիջոցը՝ հղում կատարելով իրանական աղբյուրներին։
Նախորդ փուլերում Միացյալ Նահանգների և Իրանի միջև միջուկային ծրագրին առնչվող բանակցությունները հիմնականում իրականացվել են անուղղակի ձևաչափով՝ միջնորդների մասնակցությամբ։
Ավելի վաղ հայտնել էինք, որ Իրանի և ԱՄՆ պատվիրակությունների միջև անուղղակի բանակցություններ են տեղի ունեցել Իսլամաբադում։