Իսպանիան զգալիորեն մեծացրել է ռուսական հեղուկ բնական գազի (LNG) գնումները՝ Մերձավոր Արևելքից մատակարարումների խափանումների ֆոնին։ Այս մասին հայտնում է ТАСС-ը՝ հղում անելով էներգետիկ ընկերության տվյալներին։
Ըստ Enagás-ի՝ 2026 թվականի մարտին Ռուսաստանից Իսպանիա LNG մատակարարումները աճել են 123 տոկոսով՝ նախորդ տարվա նույն ժամանակահատվածի համեմատ։ Ընդհանուր ծավալը կազմել է 9807 գիգավատտ-ժամ, ինչը կազմում է Իսպանիայի LNG ներմուծման շուրջ 26 տոկոսը։
Արդյունքում Ռուսաստանը կրկին ընդգրկվել է Իսպանիայի խոշոր մատակարարների եռյակում՝ զիջելով միայն ԱՄՆ-ին և Ալժիրին։ Սակայն փորձագետները կարծում են, որ այս աճը կարող է ժամանակավոր լինել, քանի որ Մերձավոր Արևելքից մատակարարումների վերականգնման դեպքում եվրոպական հետաքրքրությունը ռուսական գազի նկատմամբ կրկին կնվազի։